Ѓеоргиев: Другарот Богац и другарката Лукаревска успеаа да го замрат животот по скопските кафулиња

Недозволиво е во едно демократско општество носител на функција во една толку важна установа како што е УЈП да функционира по партиски директиви. Дали во страв од пораз на локалните избори Стефан Богоев на својата другарка Сања Лукаревска и дава наредби за дисциплинирање на своите неистомисленици, прашува Филип Ѓеоргиев од УМС на ВМРО-ДПМНЕ.

Тој кажа дека сепак тие учат од својот шеф Зоран Заев, па токму чекорат по неговите стапки и практикуваат селективна правда и селективна употреба на законите. Ѓеоргиев смета УЈП стана институција која за едни е мајка, а за други макеа.

-Прва задача на инспекциите е да укажуваат, а не да казнуваат ветуваше Заев пред изборите, а сега прават се спротивно. Ова е типично за Заев едно да зборува, а друго да прави. Тоа народот го вика лажење. Ова е очигледен показател за нивната дволичност. Кaко и за многу други работи, така и за тоа покажаа дека безочно ги лажеа граѓаните. Другарот Богац и другарката Лукаревска катанците на скопските локали ги направија секојдневна слика и успеаа да го замрат животот по скопските кафулиња. Инспекциите мора да работат соогласно законите, а не соогласно партиските директиви, изјави Ѓеоргиев.

Ѓеоргиев напомена дека ова нема да помине, граѓаните се свесни дека СДС и нивните функционери ги партизираат сите пори на македонското општество и се служат со селективна правда. Тој кажа дека казната за ова ќе следи на локалните избори на 15 октомври, а за секое работење спротивно на законите ќе следува и кривична одговорност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.