По поразот од Македонија, Израел го избрка капитенот

Раководството на израелската фудбалска федерација одлучи да го отстрани капетанот Еран Захави од репрезентацијата.
Причината за ова беше однесувањето на играчот од средниот ред по поразот синоќа на домашен терен со 0:1 од Македонија во меч од светските квалификации.

Лут на свирежите и навредите на негова сметка од страна на незадоволните израелски навивачи на трибините, Захави ја симна капитенската лента и ја фрли на земја.

Од локалната федерација се категорични дека 30-годишниот играч од средниот ред веќе не може да биде капитен на националниот тим. Тој, исто така, нема да патува со составот за мечот со Италија во вторник во Реџо Емилија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.