Евакуација на 70 илјади луѓе во Франкфурт поради бомба од Втората светска војна

Бомба тешка 1,8 тони е причина за евакуирање на население во делови од Франкфурт, која ќе биде деактивирана в недела.
Во операцијата ќе бидат евакуирани околу 70.000 луѓе, кои што живеат во близина на неексплодираната бомба од Втората светска војна.
Според планот за евакуација, со кој раководи централниот полициски штаб од Франкфурт, времено ќе бидат иселени сите жители кои се наоѓаат во радиус од 1,5 километри од локацијата на бомбата.
Според весникот „Билд“, бомбата содржи околу 1,4 тони експлизив и доколку експлодира неконтролирано може да предизвика огромни човечки и материјални штети во густо населениот дел од Франкфурт.
За време на Втората светска војна врз Франкфурт се фрлени над два милиона бомби од кои што околу 20 отсто или 400 илјади не експлодирале.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.