Утре сончево, температури до 32 степени

Времето утре во Македонија ќе биде претежно сончево со слаб до умерен ветер од југозападен правец. Утринската температура ќе се движи од седум до 14, а дневната од 22 до 32 степени. УВ-вредноста ќе изнесува 8.

Во Скопје слично време, сончево и топло со мала до умерена облачност и со слаб до умерен ветер од југозападен правец. Утринската температура ќе се спушти до 11, а дневната ќе се искачи до 32 степени.

Во наредните три дена времето ќе биде сончево и топло со мала до умерена облачност. Особено топло се очекува во петок и сабота, кога на места температурата ќе биде над просекот за овој период до годината.

Промена на времето се очекува во недела, кога под влијание на влажна и нестабилна воздушна маса, ќе биде променливо облачно и нестабило со локални врнежи од дожд и појава на грмежи. Дневната температура ќе опадне, особено во почетокот на следната недела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.