Ураганот Харви ќе покаже дека дроновите не се само играчки

Американските осигурителни компании ќе ангажираат флота на комерцијални дронови за проценка на штетата предизвикана од ураганот Харви.

– Харви е можност да се види чии дронови го можат тоа, а чии дронови се само играчки, изјави Џорџ Метју, претседател и генерален директор на компанијата „Кеспри“, која што произведува беспилотни летала во Калифорнија.

Според него урагонот Харви е значаен момент за оваа индустрија која се повеќе е инволвирана до напорите за надминување на последиците од природни непогоди.

Харви е втората голема бура во која со дозвола на американската Федерална Агенција воздухопловство дроновите се користат за правење снимки, инспекција на објекти и други комерцијални активности.

Федералната агенеција за воздухопловство досега регистрирала повеќе од 770.000 дронови во американскиот воздушен простор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.