Пожар десно од Крстот на Водно, гори нискостеблеста шума

Гори нискостеблеста шума десно од Крстот на Водно во правец на Матка. Пожарот го пријавиле граѓани кои забележале густ чад над шумата. Скопската противпожарна бригада веќе е на терен.

„Набргу огнот ќе биде изгасен. Не е зафатена голема површина. Во моментот преземаме мерки пожарот да не се рашири“, кусо изјавил Ѕвонко Томевски за „Макфакс“, кој е командантот на Скопската противпожарна бригада.
Од Центарот за управување со кризи информираа дека за пожарот се известени и ЈП „Паркови и зеленило“ во чија надлежност е парк-шумата Водно.

„Екипи од „Паркови“ се излезени на терен за да утврдат за што точно се работи оти дојавата е дека имало само чад“, вели Надица В’чкова од Цетарот за управување со кризи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.