Трамп: Расизмот е зло, а расистите се криминалци и насилници

Расизмот е зло, изјави денеска американскиот претседател Доналд Трамп, нарекувајќи ги Кју-клукс-кланот (ККК), неонацистите и белите расисти „криминалци и насилници“.

Трамп изјавата ја даде во Белата куќа по средбата со државниот обвинител Џеф Сешнс и директорот на Федералното истражно биро (ФБИ), Кристофер Вреј, откако се случија насилните протести на заговорниците за надмоќ на белата реса, во кои изминатиот викенд загинаа три лица.

Претседателот Трамп во саботата се соочи со бројни критики поради изјавата дека „многу страни“ се виновни за насилството, како и поради наводното одбивање да ги критикува екстремно десничарските групи кои пропагираат омраза.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.