Француската актерска со светско реноме Жулиет Бинош наскоро ќе ја гледаме во комедијата „Откачени Трудници“, во режија на Ноеми Саглио, која пристигнува во македонските кина на 17. август.
– Овој проект го прифатив без размислување од аспект на некомпактибилноста која се појави кога се сретнавме со Ноеми Саглио и Камил Котин – изјави Бинош, додавајќи дека не очекувала да добие повик да сними една вистинска француска комедија.
– Признавам дека ме привлече идејата да играм адолесцент, зошто мислам дека никогаш немав време за тоа, во духот брзо израснав, имав стекнато чувство за одговорност , ме понесе страста кон театараот, и немав време за губење – истакна Бинош.
Урнебесната комедија „Откачени трудници“ ни ја раскажува приказната за мајка и ќерка кои истовремено остануваат трудни. Камил Котин се најде во улогата на ќерката Аврил, која е згрозена од фактот што нејзината мајка (Жулиет Бинош), која наскоро треба да стане баба, станува мајка по втор пат.
Аврил и нејзината мајка Мадо се потполно различни. Аврил има 30 години, мажена, и има редовна работа. По стилот на живот се сосема различни со својата мајка, вечната тинејџерка, безгрижна и дрска. Но кога двете ќе останат трудни во исто време, конфликтот е неизбежен. Мадо не е спремна да стане баба, додека Аврил неможе да ја замисли својата мајка како … новопечена мама!
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
