Ердоган: Германија ги поттикнува терористите

Turkish President Recep Tayyip Erdogan delivers a speech during 28th Mukhtars (local administrators) meeting at the Presidential Complex in Ankara on October 19, 2016. / AFP / ADEM ALTAN (Photo credit should read ADEM ALTAN/AFP/Getty Images)

Турскиот претседател Реџеп Тајип Ердоган денеска ја обвини Германија за помагање на терористите, затоа што, како што кажа, Берлин не дава одговар на илјадниците молби за предавање осомничени лица, барани од турските власти, пренесоа британските медиуми.

-Германија ги поттикнува терористите, изјави Ердоган на конференција во црноморскиот округ Ризе.

Неговите зборови веројатно ќе доведат до нова ескалација на тензиите меѓу двете земји, посочуваат британските медиуми.

-Ние и дадовме на (германскиот канцелар Ангела) Меркел 4.500 досиеја, но не добивме одговор на ниту едно, изјави Ердоган пред членовите на неговата Партија на правдата и развојот (АКП).

Турскиот претседател изјави дека Германија сака да и бидат предавани терористите, но не сака да ги предава терористите кои се барани од Турција.

-Значи вие имате судски систем, а ние во Турција – не, така ли?, реторички запраша Ердоган.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.