УХМР со вонредна временска прогноза

Продолжува периодот на претежно сончево и многу топло време. Во поголем дел од земјава максималната температура ќе достигнува повеќе од 35, а на места по Повардарието ќе надмине и 40 степени. УВ-индексот ќе биде многу висок со вредност 9. Утре ќе биде сончево и топло со слаб до умерен североисточен ветер. Дневната температура ќе се движи од 30 до 40 степени.

Во наредните денови подрачјето на Македонија ќе биде во жолта фаза, а в петок и в сабота одредени региони од земјата ќе ги исполнат условите за портокалова фаза на предупредување од топлотни бранови.

Се препорачува внимателност во шумските региони поради постоење потенцијална опасност од шумски пожари. В сабота кон недела се очекува да има локална појава на краткотраен пороен дожд со грмежи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.