Горат смрека и сува трева кај кавадаречкото село Бегниште

Пожар избувнал денеска околу десет часот во атарот на кавадаречкото село Бегниште.

Раководителот за заштита на шуми при подружницата на „Македонски шуми” од Кавадарци Петко Ристовски информира дека шумски работници и мештани неколку часа се на терен и интервенираат, се со цел огнот да не ги оштети околните лозови насади.

– Пламените јазици зафатија површина со смрека и сува трева. Правиме напори огнот целосно да биде изгаснат, нагласува Ристовски.

Тој вели дека дополнително ќе се знае колкава површина е зафатена од пожарот и висината на материјалната штета. Апелира на внимателност до кавадарчани, се со цел превентивно да се влијае против пожари во време на пеколни горештини.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.