Владата на Република Македонија на вчерашната седница донесе одлука за итно решавање на проблемот со депонијата во Струга.
Како што соопшти владината прес-служба, Министерството за финансии и Генералниот секретаријат на Владата се задолжени да обезбедат финансиски средства со кои ќе се обезбедат услови за безбеден и економичен транспорт на сметот од струшката депонија до други безбедни депонии во Република Македонија.
– Во однос на оваа точка од дневниот ред беше истакнато дека во тек е ангажман на лица за обезбедување и надзор кои ќе ја надгледуваат целата локација, за да превенираат и спречат можни идни проблеми, соопшти службата за информирање на Владата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
