Аргентинската ѕвезда на ПСЖ, Анхел Ди Марија најави дека фудбалерите и навивачите на клубот од „градот на светлоста“ ќе го пречекаат Нејмар најсрдечно, штом се појави на официјалното претставување.
– Играчите не ја решаваат судбината на трансферите, менаџерите се главни. ПСЖ е голем клуб и клуб кој сака да освојува титули. Во составот имаме толку важни играчи, но кој и да дојде, ќе биде пречекан со отворени раце. Така и Нејмар го очекуваме со нетрпение – рече Ди Марија.
Нејмар за 222 милиони евра може да стане најскапоплатен фудбалер во историјата. Медиумите наголемо пишуваат дека договорот е постигнат и дека Нејмар ќе добие фараонски договор за да ја напушти Барса и премине во вицешампионот на Франција.
Досега во преодниот рок ПСЖ ги доведе Дани Алвес, Јури Берчиче и Гонзало Гуедеш.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
