Со китење, редење на бајракот и фрлање пушка, почна Галичка свадба (фото)

Галичката свадба почна вечерва со китење, редење на бајракот и фрлање пушка, а утре наутро ќе продолжат обичаите и венчавката во црквата „Св. Петар и Павле“.
Тања Чаловска и Бошко Лепчески се младенците на овогодинешната „Галичка свадба“.Триесет и едногодишниот правник и 28-годишната економистка се запознале пред седум години токму во Галичник.
И Тања и Бошко се скопјани, но по потекло се од Галичник, со што по подолго време на манифестацијата и двајцата младенци да имаат потекло од Галичник. Свадбарските обичаи им се познати зашто со нивните родители секое лето учествувале на оваа манифестација.

– Веќе 15 години учествував на Галичката свадба и имав желба да бидам невеста. Остварување на мојот сон е тоа што ќе ја продолжам традицијата на моите предци- рече претходно Чаловска, која на свадбата ќе носи семејната носија стара еден век и е необлечена повеќе од 50 години. Носијата со историски вредниот накит тежат околу 25 килограми.
За младоженецот е задоволство и чест да се продолжи вековната традиција на обичаи и песни во, како што рече, едно, како вели, библиско место како што е Галичник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.