Јасно е дека на СДС не му е важно образованието, СДС пред изборите даваше многу лажни ветувања за подобрување на средношколскиот и студентскиот стандард, а кога веќе се споменуваат реконструкциите на домовите важно е да се спомене дека владата на ВМРО-ДПМНЕ реконструираше два целосно нови блока во студентскиот дом Гоце Делчев со капацитет од 600 студенти и во втората фаза требаше да продолжи реконструирањето, но со кратењето на 155 милиони денари од буџетот јасно е дека тоа нема да се случи, вели Јован Јаулески.
-Фокусот и приоритетот на СДС не е студентскиот стандард и образованието, министерката за образование вчера преку група манипулација кажа дека се зголемени средствата за студентски стандард, но битно е да се спомене дека во стапката за ребаланс на буџетот во студентскиот стандард се сместени најчесто парите кои треба да се исплатата за стипендиите и тука треба да се направи една компарација, во времето кога владееше СДС до 2006-та година бројот на видови стипендии едвај се броеше на прсти, а со доаѓањето на ВМРО-ДПМНЕ на власт опфатени се повеќе од 40 стипендии во различни области, истакна Јаулески.
Тој потенцираше и дека во програмата на СДС тие ветуваа студентски град кој ќе биде опремен со ресторани, библиотеки, ресторани, читални, фитенс центри, небаре хотел со седум ѕвезди, за да на крај видиме дека се кратат 155 милиони денари и дека од хотелот со седум ѕвезди нема ништо, а студентите се излажани од СДС и ова е силен шамар за нив.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
