Со возилото излетал од патот

Страшна несреќа се случи во Македонија во 04 часот и 10 минути на регионален пат Куманово-Граничен премин Пелинце.

Полицијата информира дека 30-годишниот Д.Д. од Куманово, управувајќи патничко моторно возило “Југо Скала“ со кумановски регистарски ознаки, изгубил контрола на управување над возилото и со истото слетал од левата страна надвор од коловозот.

Во незгодата, тој и сопатникот М.М. од Скопје, со возило на итна медицинска помош биле пренесени во Општа болница Куманово, каде кај М.М. биле констатирани тешки телесни повреди, додека кај Д.Д, карактерот на повредите дополнително ќе бидат утврдени.

Повредените лица се задржани на понатамошно лекување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.