Пепе Реина продолжува со Наполи уште две сезони

Шпанскиот интернационалец Пепе Реина ќе остане во Наполи уште најмалку две сезони. Тој се договори со раководството на „наполитанците“ за продолжување на соработката и во наредниот период, иако имаше понуди и од Премиер лигата, од Њукасл и од Бурнемаут.

Сепак, Реина одлучи да остане во Неапол, а официјално договорот ќе го потпише во наредните неколку дена.

Со тоа Наполи и дефинитивно го решава проблемот со голманската позиција, а тренерот Сари наскоро на располагање ќе го има и дефанзивецот Марио Руи, кој пристигнува од редовите на Рома.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.