Поради тропските горештини администрацијата во оваа држава на принуден одмор

Градските власти на Анкара го прогласија утрешниот ден за неработен за сите вработени во државната или локалната адмиснитрација, кои „не се чувствуваат добро и страдаат од хронични болести“, како и за бремените жени и за лицата со посебни потреби.

Ваквата одлука е донесена поради големата жештина и високите температури што деновиве ја зафатија цела Турција.

Според синоптичарите, во сите 81 региони во Турција последниве денови се измерени температури над просечните за овој период од годината.

Во Истанбул денеска температурата се искачи до 38 степени Целзиусови, додека најтопло време е регистирано во реонот на Анталија, каде живата во термометрите достигна речиси до 50-от степен.

Синоптичарите за утре предвисуваат уште потопло време, но веќе од вторник се очекува намалување на темепартурите и дождлив бран, што прво ќе ги зафати северозападните делови на земјата и реонот на Истанбул.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.