Триесет и четиригодишен стружанец нападнал продавач во продавница за електро-материјали затоа што не сакал да му даде кабел на вересија.
Поради постоење основи на сомнение за сторено казнено дело „загрозување со опасно орудие при тепачка или караница“, полициската станица од Струга поднесе кривична пријава против О.С. (34) од Струга.
Според информациите на СВР-Охрид, на 25-ти април годинава, пријавениот, во продавницата за електо-материјали во Струга, предизвикал караница со сопственикот на продавницата и ја загрозил неговата сигурност.
„Настанот се случил околу 13 часот кога, сега пријавениот влегол во продавницата за електо-материјали „Солун“ лоцирана на улицата „Пролетерски бригади“ во Струга. Притоа, побарал бакарен кабел со должина од околу 400 метри за монтирање на терен со ветување дека подоцна ќе го плати. На тоа, сопственикот на продавницата му одговорил дека најпрво треба да плати, а после да го добие кабелот, по што, пријавениот, му упатил сериозни зборови заканувачки по неговиот живот“, соопшти СВР-Охрид.
Потоа, пријавениот изреволтиран излегол од продавницата, од возило извадил чекан и се упатил кон сопственикот на продавницата сакајќи да го нападне. Во таа намера, пријавениот О.С. бил спречен од лица од обезбедувањето кои му го одзеле чеканот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
