Десет македонски поети во Антологија на словенската поезија

Поезија од десет македонски автори е објавена во антологијата „Словопринесување“што неодамна ја издаде Словенската литературна и уметничка академија.

Во антологијата се претставени плејада современи поети што пишуваат на словенски јазици меѓу кои се и македонските поети Бранко Цветкоски, Весна Ацевска, Влада Урошевиќ, Гордана Михаилова – Бошнакоска, Звонко Танески, Јовица Тасевски-Етернијан, Љубомир Груевски, Санде Стојчевски, Славе Ѓорго Димоски и Тоде Илиевски.

Антологијата ја состави бугарската поетеса Елка Њаголова, добитничка на единаесет национални и на неколку меѓународни книжевни награди, а илустрациите се на ликовната уметничка Даниела Зекина.

Изданието во петок ќе биде промовирано во Софија, претходно беше претставено во Варна, Москва и Берн. Претстојат презентации во Белград, Загреб, Задар, Варшава и Лондон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.