Почина поранешниот германски канцелар Хелмут Кол

На 87-годишна возраст во својот дом во Лудвигсхафен, почина поранешниот германски канцелар Хелмут Кол, соопшти весникот „Билд“.

Кол беше канцелар на Германија од 1982 до 1998 година.

Тој ја покрена иницијативата за соединувањето на двете Германии и беше „движечка сила“ за воведувањето на единствена европска валута, убедувајќи ги скептичните Германци да се откажат од марките.

Кол по Втората светска војна, најдолго од сите беше на функцијата канцелар на Германија – четири последователни мандати.

Кол беше во лоша здравствена состојба и во инвалидска количка од 2008 година.

Поранешниот американски претседател Бил Клинтон го оцени Кол како „најголемиот европски лидер од втората половина на 20-тиот век“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.