Народната банка почнува со печатење на првите пластични банкноти во Македонија

Народната банка на Македонија објави оглас за доделување на договор за јавна набавка на книжни пари изработени од полимер.

Според огласот објавен на електронскиот систем за јавни набавки се работи за договор со проценета вредност од 127.000.000 денари.

Критериум за добивање на договорот е најниска цена. Договорот е во времетраење од една година.

Уште на почетокот на годинава беше најавено дека Народната банка е во подготовки за пуштање во употреба на првите пластични пари на македонскиот пазар, односно банкноти од полимер.

Се работи за банкнотите од 10 и 50 денари, кои ќе бидат пластични и кои доколку сè се одвива според предвидената динамика во оптек се планира да бидат пуштени кон крајот на годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.