Груевски и Заев денеска на кафе

Премиерот Никола Груевски во просториите на Владата на Република Македонија ќе се сретне со новиот претседател на опозициската СДСМ, Зоран Заев.

Посетата на Заев е во согласност со претходно востановената практика за средба на премиер и лидер на опозицијата.

Шефот на Владата, Груевски претходно телефонски му го честита на Заев изборот за претседател на СДСМ, при тоа му посакал добро здравје и мудрост во работата.

Заев, досегашниот потпретседател на СДСМ и градоначалник на Струмица, во неделата на партискиот конгрес беше избран за нов лидер на партијата. Кандидати за претседател на партијата беа и Зоран Јовановски и Кире Наумов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.