ИД ја презеде одговорноста за саботниот напад во Лондон

Екстремистичката група Исламска држава ја презеде одговорноста за нападот што се случи во саботата навечер, при што беа убиени седум и повредени речиси 50 лица.

– Група борци од ИД го извршија нападот во Лондон во саботата – соопшти агенцијата на ИД, Амак.

Тројца напаѓачи, кои носеле на себе лажни експлозивни елеци, со бело комби прво намерно влетале меѓу луѓе кои чекале автобус на Лондонскиот мост, а потоа излегле од возилото и со ножеви почнале да ги напаѓаат луѓето. Тројцата мажи се убиени од страна на лондонската полиција.

Извор од британската медицинска служба наведе дека 36 лица се хоспитализирани, а 21 од нив се во критична состојба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.