Чешка воведе забрана за пушење

Чешка воведе забрана за пушење во баровите, рестораните и кафулињата, со што престанува да биде едно од последните места за пушачите во Европа. Забраната се однесува на внатрешноста на баровите и рестораните, како и на јавните места како кината.

Забраната е одобрена од Парламентот по долгогодишната дебата, а ја потпиша претседателот на Чешка, Милош Земан, кој и самиот е пушач. Почнувајќи од денеска, за кршење на забраната за пушење се предвидува казна од 5.000 чешки круни (околу 188 евра).

За разлика од поголемиот број држави во Европа, Чешка остана толерантна кон пушењето сè до сега, а сопствениците на угостителските објекти одлучуваа дали ќе дозволат или не.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.