Така е ветено во нивната програма: Студенти и средношколци, кога ќе завршите факултет, барајте го Стефан Богоев да ве вработи

Пратеникот од ВМРО-ДПМНЕ Димитар Стевананџија денес, во говорот што го одржа пред пратениците за предложената програма за работа на новата Влада на Зоран Заев, покрај тоа што искажа незадоволсто и недоверба од понудената владина програма се обрати до сите студенти кои што завршуваат со студиите и треба да се вработат.

-Ќе воведеме проект гаранција за младите преку кои што државата за младите ќе овозможи во рок од 4 месеци по завршувањето на школувањето, понуда за вработување, продолжување на образованието или пракса како подготовка за вработувањето. Очекувам на 1 октомври, сите средношколци и студенти да му се јават на Стефан Богоев и да му побараат вработување. Тоа значи дека после 1 октомври нема да има невработен средношколец и студент што ќе завршат со школувањето. Држете го за зборот Стеган Богоев кој што сака да се претставува како голем борец за правата на младите, рече Стевананџија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.