Претседателот на Република Македонија Ѓорге Иванов денеска во Москва ќе има средба со претседателот на Руската Федерација, Владимир Путин.
Во рамки на работната посета, во текот на вчерашниот ден, Патријархот на Руската православна црква Кирил, на свечена церемонија што се одржа во храмот „Христос Спасител” во Москва, на претседателот Иванов му ја врачи наградата „Неговата Светост Патријарх Московски и на цела Русија Алексеј Втори” со која е одликуван за 2016 година.
Престижната меѓународна награда која му се доделува на претседателот Иванов претставува признание на неговите заложби во зајакнување на меѓу-православните односи, улогата на религијата во општеството и воспоставување, односно јакнење на принципите на верска толеранција.
Иванов претходно оствари средби со Патријархот на Руската православна црква, Кирил и со епископ Тихон, Викар на Патријархот московски и на цела Русија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
