Скопјанец уценувал девојка со компромитирачки материјали, по што вчера СВР Скопје против него поднесе кривична пријава за уцена.
Во март 2016 година пријавениот В.Г.(32) од Скопје, се запознал со оштетената, а подоцна и понудил работа во приватната клиника, а исто така и дополнително да ја вработи како домаќинка кај службеник од амбасада.
По неколку дена оштетената на социјалната мрежа „Фејсбук“ прифатила понуда од профил за кој пријавениот и кажал дека е на негов пријател, кој ќе и помогне за работа. Откако почнале да се допишуваат, тој во повеќе наврати ѝ побарал да му испрати фотографии со компромитирачки материјал. Откако ги добил, започнал со закани и уцени, а со цел да не ги објави фотографиите оштетената требало да биде интимна со него при што за целото време истиот ја снимал со неговиот телефон.
Во мај 2017 година и побарал 500 евра на оштетената, со цел да не ги објави фотографиите и видеата на интернет, истата му дала 300 евра, но пријавениот продолжил со неговите уцени и закани. На 18 мај, оштетената на пријавениот му дала 6.000 денари кои претходно биле техничнки обработени и фотографирани од страна на СВР Скопје, при што истиот е приведен и во неговиот телефон се пронајдени компромитирачките материјали.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
