Во рамки на европската манифестација „Европска ноќ на музеите 2017“, Националната галерија на Македонија оваа година се претстави со изложбата „Иван Мештровиќ, графики од Колекцијата на НГМ“, во објектот Чифте амам која ќе трае до 31 мај.
Македонската публика ќе има можност да проследи оригинални литографии (21) од светскиот скулптор Иван Мештровиќ (1883 – 1962), овојпат претставен како цртач и графичар. Делата се составен дел од мапата литографии од 1923 и се сопственост на Националната галаерија на Македонија од т.н. екс-југословенска збирка. Мапата ќе биде проследена и со презентација на две скулптури од уметникот, сопственост на Националната галерија.
Европската ноќ на музеите се одржува во сите музеи во Франција и во сите европски музеи кои сакаат да партиципираат, а влезот е бесплатен за сите посетители. Манифестацијата е поддржана од Министерството за култура и комуникации на Република Франција, Советот на Европа, ИКОМ, УНЕСКО, а е поддржана и од асоцијацијата Музеите во Франција, Федерацијата „Пријатели на музеите“, ТВ5Монде, Радио Франце и други.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
