За некои здравствени проблеми лековите не се неопходни

За сите здравствени проблеми не се неопходни лекови. Одредени проблеми можат да се отстранат со консумрањето на соодветна храна богата со неопходните минeрали и витамини.

Отежнатото зараснување на рана ќе го забрзате со минералот цинк и витамините Ц и К. Оваа успеша формула се добива од комбинацијата на пиперка, домат и риба.

Масната кожа и мозолчињата обично се јавуваат поради недостаток на биотин и витамин б2. Со јогуртот од соја се надокнадува биотинот, а витаминот Б2 со обичниот јогурт.

Опаѓањето на косата ќе го запрете и регенерирате со биотин и цинк. Затоа денот започнете го со мусли со додаток од бадеми и едно варено јајце.

Крварењето на непцата ќе го ублажите со витаминот А и Ц. За зголемување на нивната содржина во организмот доволно е да испиете една чаша сок од моркови и портокал. Во сокот задолжително додадете и лажичка маслиново масло.

Постојаниот замор кој најверојатно е последица од недостатокот на железо ќе го отстраните со честото консумирање на храна од леќа. Исто така, секојдневно изедете по едно јајце.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.