Против дијабетис, против висок притисок, за детоксификација… направете кафе од глуварче

Глуварчето, кое можеме да го забележиме насекаде во овој период од годината, во себе крие голем број лековити својства.

Освен што е одличен извор на витамини и минерали, тоа помага и во детоксикацијата на организмот. Оваа драгоцена билка го прочистува црниот дроб и крвта, помага околу подуеноста и им се препорачува на луѓето кои страдаат од дијабетес и висок крвен притисок. Секој дел од ова растение е корисен за нашиот организам, но коренот е најбогат со минерали.

Глуварчето е познато по неговиот стимулирачки ефект што го има на дигестивниот систем и црниот дроб. Неговиот горчлив вкус помага во производството на дигестивни сокови и затоа го поттикнува природниот процес на детоксикација во организмот.

Освен што од глуварчето може да се направи чај, малку познато е тоа што од него исто така може да направите и еден вид кафе. Оваа напивка не содржи кофеин, но има богат и темен вкус, сличен на оној на кафето. Одличен избор е за луѓето кои имаат проблеми со стомакот, бидејќи содржи повеќе природни витамини од кафето.

Како да направите кафе од глуварче?

Потребни состојки:

• една лажичка прав од коренот на глуварчето
• 240 милилитри вода
• едно стапче цимет

Приготвување:

Испечете го коренот во рерна, а потоа откако ќе се излади, сомелете го за на крајот да личи на прав од кафе. Во врела вода додајте го правот од глуварчето и циметот и оставете го на шпорет додека водата не почне да врие. Потоа намелете ја температурата и оставете ја водата така уште 5 минути. Напивката би требало да добие темна боја. Исцедете го кафето во шолја, додајте малку млеко и послужете.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.