Филмот на Аки Кауришмаки, награден со Сребрена мечка во Берлин од денеска во македонските кина

„Другата страна на надежта” – е филм на Аки Кауришмаки со отворен среќен крај и награден со Сребрена мечка за режија на 67. Берлински фестивал, а домашната публика ќе може да го погледне во кината од денес.

Најновиот филм на Кауришмаки е необична приказна за пријателство, која зрачи со топлина,човечност, емпатија и разбирање. Јунаците во филмот се Валдемар Викстрем, синоок средовечен господин кој работи како трговски патник и Сириецот Халед кој ја препешачи сириско-турската граница, бегајќи од војната. Халед, кој бара азил во Финска, чекајќи ја својата судбина го запознава трговскиот патник кој ќе му стане пријател и заштитник.

„Другата страна на надежта” е втор од трилогијата на филмови планирани од Кауришмаки за пристанишните градови и уште еден кој покажува за богатството на социјалната нерамнотежа. Во главните улоги ќе ги гледаме финските глумци Сакарија Куосманен и Шерван Хајиа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.