Работи што педијатрите сакаат родителите да престанат да ги прават

Многумина од родителите не знаат дали да го слушаат советот од бабите и дедовците, од интернет или од сите други родители, па често прават грешки. Но, најдобар совет е оној од педијатрите. Што препорачуваат тие?

Престанете да се консултирате на интернет

Кога се плашите поради симптомите што ги има вашето дете, прво место на кое многу родители бараат помош е д-р „Гугл“. Иако постојат некои проверени страници, кои може да имаат корисни информации, сè уште не е можно да се постави правилна дијагноза на вашето дете на интернет. Наместо тоа, вашите грижи препуштете му ги на докторот.

– Родителите ми даваа да ги гледам сите тие интернет страници само затоа што бea уверени дека нивното дете има некоја болест. Секогаш ми е мерак да ги погледнам и да им дадам повратна информација, но дијагнозата е темел на нашата медицинска евалуација, изјавил д-р Бил Буш, шеф на педијатрија во детската болница „Хелен де Вос“.

Не мора да одите на итна медицина за секоја ситница

Новите родители се плашат за своите дечиња, што е сосема нормално. Но, поради недостаток од искуство го преувеличуваат секој симптом, па затоа многу често се појавуваат на итна помош.

– Јавете се на лекар и на тој начин детето ќе се смири, а исто така и лекарот веднаш ќе ви помогне доколку е потребна помош или да ве упати на место каде што можете да побарате помош.

Престанете да барате антибиотици за настинка

Природно е да посакате вашето дете да оздрави што е можно побрзо, но д-р Буш вели дека антибиотиците не се секогаш решение.

– Постојат ситуации кога е потребно да се даде антибиотик, на пример кога се работи за бактериска инфекција, но за повеќето пациенти, кои имаат вирусна инфекција, не е потребно антибиотик. Пречестото користење на антибиотици може да доведе до тоа бактеријата да стане отпорна, а лечењето отежнато.

Престанете да ги прескокнувате редовните прегледи кај докторот

Сите водиме брз и стресен живот, а кога доаѓа време за нешто кога сметаме дека не е итно да се направи, брзо го забораваме. Но, тоа е грешка.

– Многу работи може да направиме само со превенција или со држење под контрола на одредена болест, смета д-р Буш.

Тоа вклучува и проблеми со слухот и видот, како и шум на срце, која е честа појава кај децата. Редовната контрола ви дава шанса да се запознаете со лекарот, да бидете послободни и попријатно да се чувствувате со него, па и да споделите некоја загриженост околу здравјето на вашето дете.

Престанете да користите чепкалки за учи за да ги исчистите ушите на децата

Можеби мислите дека на тој начин ги чистите ушите на децата, но само му помагате на восокот да влезе подлабоко во ушите. Поради тоа доаѓа до послаб слух и уши полни со восок. Наместо тоа, дозволете да влезе малку вода во ушите на детето додека се бања, па така ќе излезе восокот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.