Во март годинава, по указ на претседателот на САД, Доналд Трамп, беше воведена забрана за носење електронски уреди на летовите кон САД за патниците од осум земји од Африка и Блискиот Исток. Како причина беше наведена опасноста по безбедноста на земјата.
Според агенцијата „Ројтерс“, забраната наскоро би можело да се прошири и на летови од Европа кон САД.
Тоа ќе значи дека сите електронски уреди поголеми од смартфон, како лаптопи, таблети, е-читачи и слично нема да може да се носат во рачен багаж и ќе мора да се пријавуваат.
Авиокомпаниите како „Емирати“, „Ројал Јордан“, „Катар ерлајнс“ и други што летаат меѓу САД и осумте земји првично засегнати со забраната, се соочуваат со новите правила веќе два месеца.
Велика Британија за кратко време потоа реши да го следи примерот на САД и воведе забрана за носење електронски уреди на некои летови.
„Ројтерс“ објави дека секретарот за внатрешна безбедност Џон Кели денес ќе ги информира сенаторите за „закани по домашната безбедност“, а тука спаѓаат и опасности поврзани со авиотранспортот.
Според неофицијална изјава од Министерството за внатрешна безбедност, можноста за ново проширување на забраната што ќе се однесува на летови од Европа „била разгледана“ и „ќе се донесе одлука согласно заканите по безбедноста“, а се додава дека „службата ќе прави измени, кои смета дека се неопходни за да ја одржи безбедноста на авиопатниците“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст