Прва награда за децата од „11 Октомври“ во Италија

Домот за деца без родители „11 Октомври“ е добитник на првата награда за најдобар филм во Бари, Италија, на регионалниот фестивал за филм и детски цртажи „Бене – Мале“.

Станува збор за филмот „Два света“, краткометражен, што децата го снимија со своите воспитувачки на дадената тема од организаторите „Здрава љубов – болна љубов“. Го прикажува животот на едно девојче во домот за деца без родители и животот на друго девојче во сопствен дом со своето семејство.

– Премногу сме горди и среќни за успехот на филмот на нашите дечиња. Фестивалот традиционално се одржува секоја година во Италија и е посветен на децата, нивниот развој, детството. Се претставивме со филмот „Два света“, кој ни донесе голем успех и признание, изјави директорката на „11 Октомври“ Ристенка Атанасова.

Покрај учеството во филмскиот дел на фестивалот, беа претставени и цртежи од децата, а претставниците од Домот учествуваа и во трибина на тема семејно насилство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.