Јошко Миленковски од следната сезона ќе седи на клупата на реномираниот Зиратбанк

Најтрофејниот македонски одбојкарски стручњак, Јошко Миленковски, во новата сезона ќе го предводи турскиот клуб Зиратбанк.

Миленковски од сезоната 2011/12 беше тренер на Мили Пјанго, со кого последнава сезона стигна до четвртфиналето на турскиот плејоф, а истовремено е и селектор на турската машка одбојкарска репрезентација.

– По шест прекрасни години во Мили Пјанго, време е за нов предизвик. Мили Пјанго, благодарам за се, засекогаш остануваш во моето срце – е пораката која Миленковски денеска ја испрати преку социјалните мрежи.

Зиратбанк го заврши првенството на четвртото место, но очигледно е дека најавува поголеми амбиции за следната сезона во која ќе биде предводен од Миленковски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.