Втор финален меч во одбојкарскиот шампионат на Македонија

Во одбојкарското првенство на Македонија вечер ќе се одигра вториот натпревар од финалето.

Во дуелот за шампионскиот трофеј одбојкарите на Стумица против екипата на Пробиштип имаат водоство од 1-0 во победи во серијата подовар до три триумфи.

Струмичани во вторникот ја добија првата средба со максимални 3-0 во сетови, па вечер во Пробиштип ќе играат порастеретено, но во секој случај ќе се обидат и да ја оправдаат улогата на фаворит.

Екипата на Струмица веќе освои еден трофеј откако во финалето на националнио Куп на Македонија ја победи екипата на Лешок со 3-0.

Вечерашниот втор финален меч меѓу Пробиштип и Струмица ќе се игра во салата на СС „Софија Петровска“ во Пробиштип со почеток од 20:30 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.