Трамп: Луд ли е Ким Јонг Ун? Јас немам идеја, но е итар!

Претседателот на САД, Доналд Трамп смета дека лидерот на Северна Кореја Ким Јонг-Ун “прилично е паметно лице”, бидејќи младиот лидер е во можност да остане на власт.

-Луѓето велат: Луд ли е? Јас немам поим, изјави Трамп во интервју за американската телевизија CBS, пренесува АП.

Шефот на Белата куќа, на прашањето за неколкуте неуспешни ракетни тестови, кои беа изведени од страна на Северна Кореја и за тоа зошто овие проектили постојано се распаѓаат, тој рече: “не би сакал да зборувам за тоа.”

-Но, можеби тоа не се многу добри ракети. Но, на крајот тој ќе има добри ракети”, изјави Трамп.
Американскиот претседател рече дека нема да зборува за воените опции САД.

-Вие не треба да ги објавите нашите потези. Ова е шах. Јас само не сакам луѓето да знаат она што го мислев. Значи, на крајот, тој ќе има подобар систем на испраќање (ракети). И ако тоа се случи, не можеме тоа го дозволиме, изјави Трамп.

Тој, исто така, рече дека верува дека претседателот на Кина Кси Џинпинг ќе изврши притисок врз Северна Кореја околу својата ракетна и нуклеарна програма.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.