Гостиварец тешко повреден откако со возило паднал во провалија

Едно лице е тешко повредено откако синоќа со возило излетало од локалниот пат Куново – Беловиште, гостиварско. Според првичните информации на полицијата, повредениот бил во тешка состојба и е пренесен на скопските клиники.

Од СВР Тетово потврдија дека кај нив е пријавена сообраќајна несреќа до која дошло откако „БМВ х5“ од неутврдени причини, додека се движело кон селото Беловиште, излетало од коловозот и пропаднало во провалија длабока над 200 метри. Возилото неколку пати се превртело, а падот во амбисот го запрело дрво. Повредениот во тешка состојба бил извлечен и како итен случај од Гостиварската болница е пренесен за Скопје.

Увид на местото на настанот изврши јавен обвинител од ОЈО Гостивар со полициска екипа. Засега не е познато дали во возилото имало и други лица и кој управувал со возилото.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.