Охрид со масовна поддршка на иницијативата „За заедничка Македонија“

Граѓани на Охрид и вечерва протестираа во знак на поддршка на граѓанската инцијатива „За заедничка Македонија“. Тие со марш низ улиците на градот ја изразија ја својата загриженост за иднината на државата и за зачувување на унитарниот карактер на Република Македонија.

Тони Филипов во име на учесниците на протестот ги отфрли обвинувањата дека нивните собири се за заштитат некого од словото на законот.

– Ако некој згрешил нека одговара пред законот, постои суд, предистражни органи, секој има своја субјективна одговорност. Ние сме тука за да заштитиме од разнебитување на она што е свето – унитарна, самостојна и независна Република Македонија, рече тој, повикувајќи на одржување предвремени парламентарни избори и попис.

Учесниците на протестот се собраа на плоштадот кај охридската гимназија, по што се упатија низ улиците во централното градско подрачје до Градскиот плоштад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.