По седми пат „Фестивал на јадење книги“ во „Пепер“ (галерија)

Сендвичарницата „Пепер“ по седми пат организираат „Фестивал на јадење книги“, со што се продолжува со традицијата која ги поврзува храната и читањето.

Идејата на фестивалот е секој од учесниците да донесе јадење, инспирирано од книга, писател или книжевен лик. Се’ уште се паметат креативните изведби на книгите „Странецот“, „Фрида Кало“, „Ориент експрес“…

Значи, сите оние што читаат и сакаат да го слават животот преку храна, денеска во 17 часот во сендвичарницата „Пепер“ (на раскрсницата помеѓу ул. „Ленинова“ и „Орце Николов“), може да се дел од најкреативниот настан во градот.
-И нам не ни се верува, но оваа година по седми пат ќе се собереме на веќе традиционалната манифестација на правење (и јадење) храна која асоцира на читање и книги, велат организаторите.

Бидејќи одредувањето главна тема од лани (Шекспир) се покажа како корисно, тие посочуваат дека и годинава одлучиле темата да биде: „КНИГИ И НИВНИ ФИЛМУВАНИ ВЕРЗИИ“.

-На располагање стојат куп наслови, па оправдувања од типот „не ми текнуваше што“ не се прифаќаат. Секако, доколку донесете и нешто друго поврзано со книги и читање вон главната тема ќе ви се важи, велат тие.

Наградите, нагласуваат орханизаторите на „Фестивалот на јадење книги“ повторно ќе се одредат со гласање, а на учесниците, освен „шведската маса“ од ваши дела (гледајте да не се претерано концептуални, туку и да се јадат), им следува и пијачка. ВАЖНО: ГЛАСАЊЕТО ПОЧНУВА ВО 18 ЧАСОТ, НЕМОЈТЕ ДА ДОЦНИТЕ!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.