МТСП: Има доволно средства за исплата на сите права од социјална заштита

Обвинувања на Партијата за целосна еманципација на Ромите (ПЦЕР) дека не се исплаќаат социјланите трансфери кон граѓаните се неточни и се провиден обид за манипулација со граѓаните во обид да се постигнат ситни политички поени, се наведува во реакцијата на Министерствтото за труд и социјална политика на изјавите на ПЦЕР, кои за денеска најавиле и протести ако не се исплати социјална помош.

– Тврдењата дека не се исплаќаат социјалните транфери кон граѓаните, односно дека не се исплаќа социјална помош, постојана парична помош, туѓа нега и други трансфери се целосно неточни. Истотака, целосно неточни се и тврдењата на Партијата за целосна еманципација на Ромите (ПЦЕР) дека Министерството за труд и социјална политика “тешко ќе може да ја исплати социјалната помош, затоа што касата на МТСП е празна”. За волја на вистината, Министерството за труд и социјална политика има доволно средства до крајот на годината да изврши исплата на сите права од социјална заштита,  стои во реакцијата.

Воедно, потсетуваат дека Министерството и досега редовно и навремено ги исплаќа социјалните трансфери.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.