Четири лица загинаа во невреме во Турција

Четири лица загинаа во снежна бура, која вчера ја погоди Турција, соопштија турските власти. Во јужната провинција Мерсин бурата беше проследена со ветер со брзина до сто километри на час, при што беа урнати електрични столбови и дрва, соопшти локалниот метеоролошки директорат.

Во дистриктот Акдениз смртно настрада 28-годишна жена, кога поради ветер, стебло се урна на неа, јави Анадолија.

Во северната провинција Трабзон загина 71-годишен маж, врз чија куќа се урна карпа, по што се евакуирани 14 домаќинства. Невремето го зафати и североисточниот дел на Турција, а во провинциата Артвин загина едно лице, врз кое се урнало стебло додека работел на фарма.

Жртва на невремето во Турција беше и 55-годишна мајка на четири деца од провинцијата Ардахан, во источниот дел на земјата.

Силен ветер беше забележан и во провинцијата Риза, Невсехир, Сивас, Јозгат, Сирт, Ерзурум и Ерзицан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.