СПЦ забрани македонски студенти по теологија да патуваат во Белград

Српската православна црква му забранила на студентскиот парламент на Православниот богословски факултет во Белград да пречека делегација од студенти на богословскиот факултет во Скопје, дознава „Религија.мк“. Иако на ниво на студентски парламенти веќе било договорена взаемна посета на студенти од двата факултети сепак таа нема да се реализира поради неразумните одлуки на некои од српските владици.

Првата група студенти од Богословскиот факултет во Скопје требало во мај да замине во посета на тамошниот православен факултет, а возвратна посета требало да се случи во октомври. Сепак од сето ова нема да се случи ништо, затоа што српските владици во последен момент ја промениле одлуката и забраниле каква било комуникација меѓу студентите од двата факултета. Главната причина повторно е Јован Вранишковски и поседната одлука на судот кој повторно го осуди.

Изворите на „Религија.мк“ велат дека високи црковни лица на СПЦ строго му забраниле на тамошниот претседател на студентскиот парламент да ја организира предвидената студентска посета.

Студентите на Богословскиот факултет во Скопје биле затечени од ваквите неразуми и нехристијански чекори на Српската православна црква, особено што станува збор за соработка на ниво на образовни институции. Православниот богословски факултет во Белград е дел од белградскиот Универзитет, исто и Факултетот во Скопје е дел од Универзитетот Свети Кирил и Методиј.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.