Психолошка анализа на сите хороскопски знаци

Без разлика дали верувате во хороскоп или не, мора да признаете дека понекогаш вашите карактерни особини навистина се поклопуваат со она што е напишано во ѕвездите. Од таа причина, ние ви претставуваме детална психолошка анализа на сите хороскопски знаци која со сигурност ќе ви помогне да се спознаете себеси…

Овен

Провокативен, гласен, енергичен и бестрашен. Овенот е знакот кој не може да остане незабележан. Станува збор за нервозна личност која не ја држи место и на која секогаш ѝ недостасуваат зборови за да го искаже она што го чувствува. Тие се импулсивни и нетрпеливи, па затоа сакаат да стигнат до целта што е можно побрзо. Секоја добронамерна ја сфаќаат како личен напад или предизвик и реагираат бурно. Мразат да бидат просечни и секогаш даваат максимум од себе. Тие никогаш нема да прифатат нешто минимално, како што е ронка пријателство или љубов.

Тврдоглавите Овни секогаш гледаат само низ својата призма и речениците ги почнуваат со „Јас“. Во друштво се гласни и понекогаш арогантни, а во работните односи не покажуваат голема желба за соработка. И покрај тоа што постојано се фалат и не отстапуваат од сопственото мислење, постојат многу луѓе што ги сакаат припадниците на овој знак, бидејќи тие се великодушни, чувствителни, отворени и чесни.

Ако го налутите, Овенот ќе го каже и тоа што не го мисли само за да повреди. Брзо избувнува, но бесот не му трае долго. По бурата што ја предизвикал, тој е повторно ведар како ништо да не се случило. Нема да се извини, но ќе се искупи со неговите постапки.

Бик

Биковите се одлучни, темелни и упорни. Како и останатите земјени знаци, тие се рационални и внимателни, но не се ситничари како Девиците и не се опседнати со кариерата како Јарците. Тие сакаат да успеат, но тоа не им е единствената цел во животот. Биковите сакаат и да уживаат во животот, да изградат дом, семејство и да остават нешто по кое ќе бидат запаметени. Знаат да ги контролираат чувствата и целосно се посветени на задачите што ќе си ги зададат. Имаат цели, но не и соништа, бидејќи Биковите никогаш не тежнеат кон нешто што знаат дека нема да го остварат.

Биковите многу ретко се откажуваат, освен ако не се разочараат. Понекогаш се многу трудољубиви, но имаат и периоди кога се мрзеливи, неподвижни и бесчувствителни. Тие се големи меланхолици и сакаат да им се препуштат на сеќавањата и љубовните фантазии, поради што забораваат на обврските кои треба да ги завршат.

Припадниците на овој знак се добродушни, но не и наивни. Тие можат да ги препознаат луѓето кои сакаат да ги искористат и тогаш стануваат многу строги и груби. Биковите не се расипници, но ги прифаќаат земните задоволства со широко отворени раце.

Близнаци

Ова е знак кој не може да се пофали со челична волја, но затоа, пак, интелектуалните способности му се на завидно ниво. Близнаците се сестрани, вооружени со знаење од сите области, располагаат со богат речник, подвижни се и снаодливи во сите ситуации. Во друштво, секогаш се насмеани и ведри. Тие им се радуваат на новите искуства, новите познанства, професии и без проблем ги менуваат навиките и местото на живеење. Лесно се прилагодуваат, можат да работат неколку различни професии истовремено и имаат неисцрпна енергија. Доколку ви треба некој да ви го подигне расположението, најдобро е да му се јавите на овој хороскопски знак.

Машките претставници на знакот добро се снаоѓаат со домашните обврски, а некои се дури и подобри „домаќинки“ од жените. Жените, пак, исто така се способни да извршуваат многу работи што се сметаат за „машки“, од менување гума на автомобил до разговор за фудбал.

Близнаците не обрнуваат многу внимание на нивниот надворешен изглед, туку поважни им се интелигентните разговори и дебати. Успеваат да ја согледаат позитивната страна во секоја можна ситуација. Припадниците на овој знак се како мали деца, а многумина од нив можат да се пофалат со младешки изглед и дух, дури и во позрелите години.

Рак

Раковите на прв поглед делуваат дрски и воздржани, но во суштина тие кријат сложена емоционална структура и длабоки внатрешни доживувања. Тие се пасивни, молчаливи, внимателни и мистериозни, но тоа е така затоа што можат да го почувствуваат сето она што се случува околу нив. Бегаат и се повлекуваат кога ќе наидат на работи што им се непознати, бидејќи ги доживуваат како закана. Раковите се многу грижливи и заземаат заштитнички став кога се работи за нивниот дом и семејство, особено ако имаат деца.

Припадниците на овој знак се традиционални, а духовните вредности ги ценат многу повеќе од материјалните. Љубовта им е најважна, но знаат да се посветат и на професионалниот развој. Тие се многу упорни и одлучни кога имаат јасна цел. Не трошат време на излегувања, дружење и забава, туку се фокусирани на работата и семејството. Имаат многу познајници, но малкумина од нив можат да ги наречат пријатели. Кон нив се великодушни и несебични, а се сомневаат во сите останати.

Воопшто не се фалат, а некогаш дури и претеруваат со нивното самосожалување. Кога ќе се најдат во поголемо друштво или на некој јавен собир, се чувствуваат непријатно и затоа се однесуваат ладно и даваат цинични коментари. Луѓето кои ги познаваат ги сакаат поради нивната добрина, чувствителност, грижливост, лојалност и пожртвуваност.

Лав

Лавовите знаат како правилно да го искористат сиот свој потенцијал. Нивните апетити се огромни, волјата цврста, а самодовербата изразена. Тие многу добро знаат што сакаат, но и како да дојдат до тоа. Лавовите се обидуваат да ја наметнат нивната доминација во секоја сфера од животот. Се однесуваат како глумци на сцена. Дури и кога се сами си замислуваат како некој ги гледа и оценува. Ним им треба внимание, обожавање и аплауз! Плодовите од нивниот талент и креативност се безвредни, ако не се изложени пред туѓите погледи. Понекогаш претеруваат со нивната самоувереност и егоизам, па затоа не можат реално да ја проценат ситуацијата.

Лавовите им завидуваат на оние кои имаат повеќе од нив, но подготвени се да помогнат доколку има потреба. Сакаат да бидат главни иницијатори и честопати ја преземаат улогата на заштитници. Многу се великодушни во друштвото, особено со луѓето кои им се лојални и кои ги сака. Без Лавовите, светот би бил досаден.

Лавовите не се интересираат за просечни работи. Тие копнеат по слава, пофалби, титули, подароци и признанија. Сакаат луксузни работи, а благодарение на нивниот непогрешлив инстинкт, секогаш можат да ја препознаат вистинската вредност на нештата. Припадниците на овој знак се многу емотивни, гласни и арогантни. Честопати ги преувеличуваат описите и доживувањата и за нив со сигурност важи следново: Ако нема драма, тие сами ќе ја измислат!

Девица

Девиците се многу интелигентни, снаодливи и прилагодливи, а она што им недостасува е интуиција, фантазија и самодоверба. Тие учат со леснотија, имаат одлична меморија, а нивниот практичен дух сака да го примени стекнатото знаење и во пракса. Припадниците на овој знак можат да стекнат голем број вештини. Што повеќе се посветуваат на работата толку повеќе се оддалечуваат од другите. Девиците ја ценат точноста, многу се совесни и одговорни. Мразат глумење, претерување, снобови и паразити.

Тие се големи аналитичари и критичари, бидејќи се стремат кон совршенство. Толку многу се грижат за деталите што ја губат големата слика. Постојано им треба некој кој ќе ги охрабрува и поддржува, бидејќи се многу несигурни. Одбегнуваат преземање ризици, особено кога станува збор за финансии.

Девиците добро функционираат додека работите се одвиваат според планот, но штом се случи нешто непредвидено, тие веднаш почнуваат да паничат. Иако делуваат ладни и смирени, тие се многу нервозни и загрижени. Успеваат да привлечат многу луѓе благодарение на нивната мистериозност и дистанцираност, но кога другите ќе сфатат дека ладното однесување на Девицата нема да се промени, почнуваат да губат интерес.

Вага

Како што покажува и самиот симбол, овој знак се стреми кон постигнување рамнотежа. Сепак, особината што најмногу ги опишува Вагите е нивната неодлучност. Припадниците на овој знак се дружељубиви, ведри и културни. Многу им е важно да живеат во хармонично и пријатно опкружување. Големо внимание обрнуваат на надворешниот изглед. Тие веруваат дека зад убавата и негувана фасада се крие прекрасен карактер, па затоа ги подаруваат нивните срце и доверба на луѓе кои не ги заслужуваат.

Тие се обидуваат да го скријат нивното лошо расположение со помош на лажна насмевка и шминка, поради што многумина ги сметаат за дволични, но вистината е дека тие само се обидуваат да ги потиснат негативните емоции. Вагите обожаваат комплименти и подароци, а подраго им е ласкањето од искрената критика. Имаат многу познајници, но не и вистински пријатели.

Тие не сакаат да разговараат за нивниот приватен живот, особено ако доживеале некои негативни искуства. Вагите не сакаат да бидат сожалувани, туку обожавани. Мразат грубост, агресија и примитивизам. Ако се почувствуваат загрозени, не се бранат, туку бегаат обземани од паника и страв. Но, доколку имаат партнер кој ги сака и чува, тие се чувствуваат силни и сигурни.

Скорпија

Надворешноста на Скорпијата никогаш не ја открива бурната внатрешност и жесток темперамент. Припадниците на овој знак се мистериозни и воздржани, а нивното вистинско лице им го покажуваат само на блиските луѓе. Искрени се и енергични, но нивната најголема мана е склоноста кон самоуништувањето. Имаат добра смисла за црн хумор, провокативни се, цинични и саркастични. Нивниот натпреварувачки дух и издржливост им помага да ги совладуваат секојдневните предизвици и пречки на патот. Не се плашат од непознатото, но не сакаат промени. Нивните најбурни реакции се јавуваат тогаш кога нема да им оди сѐ по планот.

Скорпиите воошто не се флексибилни и наместо да се прилагодат на новите околности, упорно бараат изговори и ги обвинуваат другите луѓе за нивните неуспеси. Не ја даваат така лесно нивната доверба, а луѓето ги проценуват според интуицијата и првиот впечаток. Веруваат во нивните соништа и во моќта на потсвеста. Сакаат да ги истражуваат непознатите сфери од животот и да пробаат нешто што е забрането.

Во пријателството и љубовта се великодушни, лојални и посветини. Но, Скорпиите се и многу одмаздољубиви и нема шанси да им простат на оние кои ги повредиле. Во младоста се однесуваат како големи бунтовници и постојано им се спротивставуваат на авторитетите. Склони се кон пороци и промискуитет. Скорпиите никогаш не живеат според туѓите правила, се борат против општествените норми, малограѓанштината и предрасудите. Сакаат пари, но не се скржави. Подготвени се да дадат сѐ за луѓето кои ги сакаат и на кои им веруваат.

Стрелец

Припадниците на овој знак се енергични, отворени и несопирливи. Тие не ги почитуваат општествените норми, имаат космполитски дух и високи морални вредности. Стрелците се авантуристи без постојана адреса на живеење. Тие се вистински светски патници и истражувачи. Ги привлекува сето она што го возвишува духот и му годи на телото. Нивниот апетит и желба за знаење се огромни. Без многу размислување се впуштаат во љубовни авантури, опасни спортски подвизи и ризични професии. Тие се големи коцкари и подготвени се да го стават целиот нивен живот на коцка само поради чувството на неизвесност и возбуда што ќе го добијат.

Во комуникацијата се многу отворени, а некогаш дури и премногу директни. Го кажуваат она што прво ќе им падне на памет, прашуваат за сѐ она што ги интересира, а понекогаш делуваат наивно и детинесто додека зборуваат за нивните планови. Стрелците се многу чесни и искрени, па мислат дека сите луѓе се такви. Сакаат да трошат пари на глупости, луксуз, свечености и дружби. Не пропуштаат ниту еден настан и први се јавуваат како доброволци. Ги привлекува сето она што е различно: различни земји, обичаи, култура, јазици, а особено егзотични предели.

Уживаат во патувањата, не сакаат досадни професии и ги нервираат простите озборувања. Најмногу од сѐ мразат кога некој ќе им ја ограничи слободата. Тие сакаат да бидат слободни како птица во лет која може да одлета некаде далеку, да види сѐ и сешто и потоа да раскажува за нејзините доживувања.

Јарец

Јарците се големи песимисти. Тие се депресивни и внимателни, но секогаш се стремат кон успехот и напорно работат за да го постигнат она што го сакаат. Никогаш не се откажуваат, а како што стареат така стануваат сѐ подобри и подобри. Јарците учат од нивните грешки, постојано се усовршуваат, а најголемиот успех го постигнуваат во зрелата доба од животот.

Тие побудуваат интерес благодарение на нивното ладно држење, одат со високо крената глава, не обрнувајќи многу внимание на она што се случува околу нив. Но, тоа не значи дека тие ништо не забележуваат. Јарците се големи набљудувачи, а тоа им помага подобро да ја запознаат околината и според тоа да одлучат како ќе се постават. Припадниците на овој знак знаат да се контролираат и не се возбудуваат поради ситници.

Нивното друштво не е големо, но затоа имаат неколку вистински пријатели. Не сакаат да земаат туѓи работи, но не сакаат ниту да ги делат нивните, поради што многумина сметаат дека се себични и скржави. Вистината е дека тие се само штедливи и рационални. Ги ценат луѓето кои постигнале нешто значајно во животот и мразат мрзливци.

Водолија

Водолиите се духовити и ведри луѓе, полни со идеи и романтични замисли. По малку се наивни и со сите сакаат да бидат во добри односи, што им успева благодарение на нивната толеранција и искреност. Не постојат две исти Водолии, но сепак постојат некои особини што им се заеднички на сите припадници на овој знак.

Најнапред, Водолиите сакаат да бидат поинакви. Тие секогаш даваат уникатни и оригинални идеи и размислувања. Имаат многу замисли, но ретко кога успеваат да ги реализираат, па затоа им треба помош за да ги претворат идеите во реалност. Најдобро функционираат во тим , каде што успехот зависи од размена на идеи и заеднички труд. Освен тоа, Водолиите се големи алтруиси кои сите конфликти сакаат да ги решат по пат на разговор.

Не можат да поднесат насилство и агресија, па дури и во љубовните врски се смирени и свесни. Не паѓаат на провокации, а гласот го повишуваат само кога се работи за некаква неправда. Водолиите сакаат да го направат светот подобро место за живеење, каде што сите луѓе ќе бидат еднакви без оглед на расата, културата и верата.

Припадниците на овој знак ги ценат духовните вредности и интелектуалните достигнувања. Не ги интересира минатото, туку иднината. Водолиите се авангардни футуристи, секогаш еден чекор пред времето во кое живеат, поради што честопати се несфатени и неприфатени од општеството.

Риби

Рибите се пасивни и променливи, но знаат да бидат и многу тврдоглави, упорни и доследни кога станува збор за некој идеал или човек кој им значи. Тие се многу контрадикторни, бидејќи од една страна сакаат да бидат дел од некоја група, но од друга страна не сакаат да бидат ограничени. Некои ограничувања ги прифаќаат како нормални, а други не можат да ги разберат и се бунтуваат против нив како што е одењето на работа во исто време, на пример.

Живеат во свет на соништа и фантазии и затоа не се снаоѓаат баш најдобро во реалноста. Редовно ги забележуваат работите што другите луѓе ги пропуштаат. Рибите не се фокусирани на деталите, туку на целината. Бујната фантазија, креативност, интуиција и визионерски дух се особини што го красат овој хороскопски знак.

Рибите честопати поседуваат ретки таленти и способности. Најдобро работат во мир и тишина, бидејќи можат да ги почувствуваат сите надворешни влијанија. Припадниците на овој хороскопски знак најдобро се изразуваат преку бои, стихови, танц, но понекогаш не знаат сами да го искористат нивниот потенцијал туку им треба нечија помош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.