Дурловски: Сè додека се чувствуваме загрозени, ние ќе бидеме тука

Веќе 54 дена сме на улиците низ цела Македонија. Јас како и сите вие излегуваме заради една причина – љубов, љубов кон предците, идните генерации, татковината, истакна денес пред присутните граѓани Игор Дурловски, еден од организаторите на граѓанската иницијатива „За заедничка Македонија“.

-Тажен сум заради оние кои не мислат исто како нас, затоа што не можат да го почувствуваат тоа. Немаат капацитет за такво нешто. Ние ќе бидеме уште 54 дена, уште 100 се додека тоа што го побаравме уште првиот ден не биде исполнети, тргање на страна на документ потпишан во странска држава, заверен со потпис на странски премиер. Се додека Тиранската платформа не биде отфрлена и не се распишат нови избори ние ќе бидеме на улиците. Се соочуваат со народ кој си ја сака државата, јазикот, знамето и се додека се чувствуваме загрозени ние ќе бидеме тука, вели Дурловски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.