Воената операција што трае веќе шест месеци за преземање на ирачкиот град Мосул од ИД, принуди околу половина милион луѓе да бидат раселени, соопштија ОН. Ирачките сили почнаа со голема воен операција пред шест месеци и засега е заземен само источниот дел од градот.
– Бројот на цивили кои бегаат од Мосул е загрижувачки. Според наши проценки кога почнаа борбите беше дека до милион луѓе ќе заминат од Мосул. Досега градот го напуштија 493.000 луѓе, оставајќи речиси се зад себе, изјави Лиза Гранде, хуманитарна координаторка на ОН за Ирак.
Ирачките сили имаат голем пробив во западниот дел од Мосул во изминатите два месеца. Џихадистите се забарикадирани во тесни улици од Стариод град. ОН сметаат дека уште половина милион луѓе се во западниот дел од Мосул што е под контрола на ИД.
– Мосул ги донесе до крајни граници нашите оперативни лимити, нагласи Гранде.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
