Напнато пред изборите: Атентат врз Баша, експлозив во дворот на Владата

Атмосферата во Албанија се вжештува по информаците дека се подготвувал атентат врз лидерот на опозициските демократи, Љуљзим Баша, јавуваат албански медиуми.

– Повеќе приврзаници на опозицијата доцна синоќа фрлија запалени факели и петарди во дворот на Владата по веста дека се подготвува физичка ликвидација на лидерот на опозицијата Љуљзим Баша, пишува порталот Албеу.

Претходно албанската тајна служба, ШИШ добила информација за можен атентат врз Баша, по што зајакнати се безбедносните мерки за демократскиот лидер. За ова бил инфомиран претседателот Бујар Нишани, кој побарал од првиот полицаец, Фатмир Џафај зајакнување на безбедносните мерки.

– За безбедноста на Баша ангажирани се полицијата и Националната гарда. ШИШ има информации како тој чин е испланиран да се спроведе, кој доколку се случи може да предизвика тешка политичка и социјална дестабилизација во Албанија во време кога политчката дебата и така е вжештена, поради приближувањето на изборите, но и различните ставови, констатира порталот.

По потврдените информации за безбедноста на Баша покрај редовните телохрантели кои се грижат за неговата безбедност, дополнително припадници на Националната гарда и полицијата го следат на секој чекор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.