Пет години од масакрот кај Смиљковско Езеро

Денеска се навршува пет години од трагедијата кај Смиљковско Езеро, каде што петмина скопјани, на Величетврток, беа убиени додека ловеа риба крај езерото.

Убиените беа четири момчиња на возраст од 18 до 21 година од скопската населба Радишани, Филип Славковски, Александар Наќевски, Цветанчо Ацковски и Кире Трпковски, како и 45-годишниот Борче Стевковски од селото Црешево.

Убиствата се случија на 12 април 2012 година. Обдукцијата врз убиените покажала дека во нив е пукано од три типа огнено оружје, зашто се најдени чаури од три различни типа муниција, што наведува дека има повеќе од еден извршител на чинот.

За петкратното убиство во случајот „Мострум“ доживотна казна затвор им е изречена на Алил Демири, Африм Исмаиловиќ, Агим Исмаиловиќ, Фејзи Азири, Хаки Азири и Сами Љута. Единствено петтообвинетиот Сејди Рами доби ослободителна пресуда поради немање цврсти докази за утврдување вина.

Сѐ уште се чека на екстрадиција од Косово на првообвинетите Африм Демири и Агим Исмаиловиќ, кои беа осудени во отсуство.

На 23 февруари 2013 година во близина на брегот на Смиљковско Езеро, на местото Кршиколе или Крст, осветен е камен-темелник на црквата „Св. 40 Маченици“, која е посветена на убиените момчиња.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.