Oдобрeн законот со кој може да биде затворен Универзитетот на Сорос

Унгарскиот претседател Јанош Адер денеска го потпиша Указот за стапување во сила на контроверзниот закон со кој се поставуваат нови услови за функционирање на странски високообразовни институции во Унгарија и врз основа на кој би можел на биде затворен Централноевропскиот универзитет, основан од американскиот бизнисмен Џорџ Сорос.

Во соопштението од Кабинетот на Адер по повод потпишувањето на указот се посочува дека претседателот верува оти со законот не се прекршува академската слобода или меѓународните норми.

Претседатлот ја повикува Владата да разговара со универзитетите на кои се однесува овој закон, со цел да се најде најдобриот начин за нивно натамоишно функционирање, се додава во соопштението.

Унгарскиот Парламент минатата недела, на предлог на Владата, по скратена постапка го усвои овој закон, што предизвика големи улични протести и реакции на истакнати универзитетски професори и странски институции со барање за негово отфрлање.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.